நீங்கள் தேடியது "ஆஸ்திரேலிய ஓபன் டென்னிஸ்"

மெல்போர்ன்:

ஆஸ்திரேலிய ஓபன் டென்னிஸ் தொடர் மெல்போர்னில் நடந்து வருகிறது.

பெண்கள் இரட்டையர் பிரிவின் முதல் சுற்றில் இந்தியாவின் சானியா மிர்சா, அன்னா டேனிலினா (கஜகஸ்தான்) ஜோடி, டால்மா கால்பி (ஹங்கேரி)- பெர்னடா பெரா (அமெரிக்கா) இணையுடன் மோதியது.

இதில் சானியா ஜோடி 6-2, 7-5 என்ற நேர் செட்டில் வென்று இரண்டாவது சுற்றுக்கு முன்னேறியது.

சானியா ஜோடி அடுத்து அன்ஹெலினா கலினினா (உக்ரைன்)- அலிசன் வான் உட்வானிக் (பெல்ஜியம்) இணையை எதிர்த்து விளையாட உள்ளது.

36 வயதான சானியா மிர்சா அடுத்த மாதத்துடன் சர்வதேச டென்னிசில் இருந்து விடைபெறுகிறார். அவர் விளையாடும் கடைசி கிராண்ட்சிலாம் போட்டி இதுதான் என்பது குறிப்பிடத்தக்கது.

மெல்போர்ன்:

கிராண்ட்ஸ்லாம் போட்டிகளில் ஒன்றான ஆஸ்திரேலிய ஓபன் டென்னிஸ் போட்டி தொடர் கடந்த 16-ம் தேதி ஆஸ்திரேலியாவில் தொடங்கி நடந்து வருகிறது. வரும் 29-ம் தேதி வரை பல சுற்றுகள் கொண்ட போட்டிகள் நடைபெற உள்ளன.

இதில் ஆடவர் ஒற்றையர் 2-வது சுற்று போட்டியில் அமெரிக்காவின் ஜென்சன் புரூக்ஸ்பை, தரவரிசையில் 2ம் நிலை வீரரான கேஸ்பர் ரூட் ஆகியோர் மோதினர்.

இந்தப் போட்டியில், அதிரடியாக விளையாடிய ஜென்சன் 6-3, 7-5, 6-7 (4), 6-2 என்ற செட் கணக்கில் கேஸ்பரை வீழ்த்தி அடுத்த சுற்றுக்கு முன்னேறினார்.

இதேபோல், நேற்று நடைபெற்ற 2வது சுற்று ஆட்டத்தில் முன்னணி டென்னிஸ் வீரரான அலெக்சாண்டர் ஸ்வரேவ் அதிர்ச்சி தோல்வி அடைந்தார்.

ஒலிம்பிக் சாம்பியனான ஜெர்மனியின் அலெக்சாண்டர் ஸ்வரேவ், அமெரிக்காவின் மைக்கேல் மோவுடன் மோதினார். இந்த போட்டியில் மைக்கேல் 6-7, (1-7), 6-4, 6-3, 6-2 என்ற செட் கணக்கில் ஸ்வரேவை வீழ்த்தி வெற்றி பெற்றார்.

ஏற்கனவே ரபேல் நடால் தொடரில் இருந்து வெளியேறியுள்ளார் என்பது குறிப்பிடத்தக்கது.

மெல்போர்ன்:

ஆஸ்திரேலிய ஓபன் டென்னிஸ் திருவிழா மெல்போர்னில் நடந்து வருகிறது.

இந்நிலையில் இன்று நடைபெற்ற 2வது சுற்று ஆட்டத்தில் 9 முறை சாம்பியனான செர்பியாவின் நோவக் ஜோகோவிச், பிரான்சு வீரர் என்ஸோ குவாக்காட் உடன் மோதினார்.

இந்தப் போட்டியில் ஜோகோவிச் 6-1, 6-7 (5-7), 6-2, 6-0 என்ற செட் கணக்கில் என்ஸோவை வீழ்த்தி 3-வது சுற்றுக்கு முன்னேறினார்.

மற்றொரு போட்டியில் இங்கிலாந்தின் ஆண்டி முர்ரே, ஆஸ்திரேலியாவின் தனாசி கோகிநாகிசுடன் மோதினார். இதில் முர்ரே முதல் இரு செட்களை இழந்தார். அடுத்து சுதாரித்துக் கொண்ட அவர் கடைசி 3 செட்களை கைப்பற்றி மூன்றாவது சுற்றுக்கு முன்னேறினார்.

இறுதியில் முர்ரே 4-6, 6-7, 7-6, 6-3, 7-5 என்ற செட் கணக்கில் வெற்றி பெற்றார்.

மெல்போர்ன்:

கிராண்ட்சிலாம் போட்டியான ஆஸ்திரேலிய ஓபன் டென்னிஸ் போட்டி மெல்போர்னில் நடந்து வருகிறது.

இதில் ஆண்கள் ஒற்றை யர் பிரிவில் நேற்று நடந்த 2-வது சுற்று ஆட்டம் ஒன்றில் 4-ம் நிலை வீரரான சிட்சிபாஸ் (கிரீஸ்)-ரிங்கி ஹிஜிகாடா (ஆஸ்திரேலியா) மோதினார்கள். இதில் சிசிபாஸ் 6-3, 6-0, 6-2 என்ற நேர்செட் கணக்கில் வென்று 3-வது சுற்றுக்கு தகுதி பெற்றார்.

இன்று நடந்த 2-வது சுற்று ஆட்டம் ஒன்றில் இங்கிலாந்தின் டேனியல் இவன்ஸ் 6-4, 6-4, 6-1 என்ற நேர்செட் கணக்கில் ஜெர்மி சார்டியை (பிரான்ஸ்) தோற்கடித்தார்.

மற்ற ஆட்டங்களில் நோரி (இங்கிலாந்து), லெஹக்கா (செக் குடியரசு), செபாஸ்டியன் கோர்டா (அமெரிக்கா) ஆகியோர் வெற்றி பெற்றனர்.

பெண்கள் ஒற்றையர் பிரிவில் இன்று நடந்த 2-ம் சுற்று ஆட்டம் ஒன்றில் சபலென்கா (பெலாரஸ்)-ஷெல்பி ரோஜர்ஸ் (அமெரிக்கா) மோதினர். இதில் சபலென்கா 6-3, 6-1 என்ற நேர் செட் கணக்கில் வென்று 3-வது சுற்றுக்குள் நுழைந்தார்.

மற்றொரு ஆட்டத்தில் மெர்டென்ஸ் (பெல்ஜியம்) 6-4, 6-3 என்ற செட் கணக்கில் லாரன் டேவிசை (அமெரிக்கா) தோற்கடித்தார். மற்ற ஆட்டங்களில் அசரென்கா (பெலாரஸ்), காலின்ஸ் (அமெரிக்கா) ஆகியோர் வெற்றி பெற்றனர்.

2021-ம் ஆண்டு அமெரிக்க ஓபன் பட்டத்தை வென்றவரான எம்மா ராடுகானு (இங்கிலாந்து) 2-வது சுற்றில் தோற்றார். அவரை அமெரிக்காவின் கோகோ காப் வீழ்த்தினார்.

மெல்போர்ன்:

கிராண்ட்ஸ்லாம் என்ற உயரிய அந்தஸ்து பெற்ற ஆஸ்திரேலிய ஓபன் டென்னிஸ் போட்டி மெல்போர்னில் நடைபெற்று வருகிறது. இதில் பெண்கள் ஒற்றையர் பிரிவின் இரண்டாவது சுற்று ஆட்டங்கள் நடந்தன.

பெண்கள் ஒற்றையர் பிரிவில் அமெரிக்காவின் கோகோ காப், இங்கிலாந்தின் எம்மா ராடுகானுவைச் சந்தித்தார். இதில் கோகோ காப் 6-4, 7-6 என்ற செட் கணக்கில் வெற்றி பெற்றார். இதன்மூலம் கோகோ காப் மூன்றாவது சுற்றுக்கு முன்னேறினார். எம்மா ராடுகானு தொடரில் இருந்து வெளியேறினார்.

மெல்போர்ன்:

கிராண்ட்ஸ்லாம் என்ற உயரிய அந்தஸ்து பெற்ற ஆஸ்திரேலிய ஓபன் டென்னிஸ் போட்டி மெல்போர்னில் நடைபெற்று வருகிறது.

ஒற்றையர் பிரிவின் இரண்டாவது சுற்று ஆட்டங்கள் நடந்தன. ஆண்கள் பிரிவில் முன்னாள் 'நம்பர் ஒன்' வீரர் ரஷியாவின் டேனில் மெத்வதேவ் தன்னை எதிர்த்த ஆஸ்திரேலியாவின் ஜான் மில்மேனுடம் மோதினார். இதில் 7-5, 6-2, 6-2 என்ற நேர் செட்டில் வென்றார்.

உலகின் 4-ம் நிலை வீரர் சிட்சிபாஸ் (கிரீஸ்) 6-3, 6-0, 6-2 என்ற செட் கணக்கில் ரிங்கி ஹிஜிகதாவை (ஆஸ்திரேலியா) வென்று மூன்றாம் சுற்றுக்கு முன்னேறினார்.

மெல்போர்ன்:

கிராண்ட்ஸ்லாம் போட்டிகளில் ஒன்றான ஆஸ்திரேலிய ஓபன் டென்னிஸ் போட்டி தொடர் கடந்த 16-ந்தேதி ஆஸ்திரேலியாவில் தொடங்கி நடந்து வருகிறது. வரும் 29-ந்தேதி வரை பல சுற்றுகள் கொண்ட போட்டிகள் நடைபெற உள்ளன.

இந்த போட்டியின் தொடக்க ஆட்டம் மெல்போர்ன் நகரில் நேற்று முன்தினம் நடந்தது. ஆட்டத்தின்போது, நடப்பு சாம்பியனான ரபேல் நடால், தனது விருப்பத்திற்குரிய பேட் காணாமல் போய் விட்டது என்றும் பந்து எடுத்து போடும் சிறுவன் அதனை எடுத்து சென்று விட்டான் எனவும் புகாராக கூறியது பரபரப்பு ஏற்படுத்தியது.

எனினும், வேறொரு பேட்டை பயன்படுத்தி நடால் விளையாடினார். இந்த போட்டியில், ஜாக் டிரேபருக்கு எதிராக கடுமையாக போராடி 7-5, 2-6, 6-4, 6-1 என்ற புள்ளி கணக்கில் வெற்றி பெற்று 2-வது சுற்றுக்கு முன்னேறினார்.

மூன்றரை மணிநேரம் நீடித்த இந்த போட்டியில் பெற்ற வெற்றியானது, நடப்பு ஆண்டில் நடாலுக்கு கிடைத்த முதல் வெற்றி ஆகும். இதனை தொடர்ந்து, இன்று நடந்த 2-வது சுற்று போட்டியில் அமெரிக்காவின் மெக்கன்சி மெக்டொனால்டு என்பவருக்கு எதிராக விளையாடினார்.

ஆனால், தொடக்கத்தில் இருந்தே போட்டியின் தாக்கம் மெக்கன்சியின் பக்கம் இருந்தது. தரவரிசையில் 63-வது இடத்தில் உள்ள மெக்கன்சி அதிரடியாக சர்வீஸ் செய்து முதல் செட்டை எளிதில் கைப்பற்றினார்.

23-வது கிராண்ட்ஸ்லாம் பட்டம் பெறுவதற்கான முயற்சியில் இருந்த நடால், அடுத்த செட்டையும் தவற விட்டார். இதனால், அடுத்தடுத்த செட்களை கைப்பற்ற வேண்டிய கட்டாயத்திற்கு உள்ளானார்.

ஆனால், அதற்கு இடம் தராமல் மெக்கன்சி அதிரடி விளையாட்டை வெளிப்படுத்தினார். இதனால், 3-வது செட்டையும் தனவசப்படுத்தினார். 2 மணிநேரம் மற்றும் 32 நிமிடங்கள் நீடித்த இந்த போட்டியில் 4-6, 4-6, 5-7 என்ற நேர் செட் கணக்கில் நடாலை வீழ்த்தி அமெரிக்க வீரர் மெக்கன்சி வெற்றி பெற்றார்.

போட்டியின்போது, நடாலுக்கு உடல்நல பாதிப்பு ஏற்பட்டு மருத்துவ சிகிச்சை எடுத்து கொண்டார். இதனால், அவரால் சரியான முறையில் ஆட்டத்தில் விளையாட முடியாமல் போனது. போட்டியில் இருந்து நடால் வெளியேறிய நிலையில், அவரது கிராண்ட்ஸ்லாம் பட்டத்திற்கான கனவு தகர்ந்து போனது.

மெல்போர்ன்:

கிராண்ட்ஸ்லாம் என்ற உயரிய அந்தஸ்து பெற்ற ஆஸ்திரேலிய ஓபன் டென்னிஸ் போட்டி மெல்போர்னில் நடைபெற்று வருகிறது. இதில் பெண்கள் ஒற்றையர் பிரிவில் முதல் சுற்று ஆட்டங்கள் நடந்தன.

பெண்கள் ஒற்றையர் பிரிவில் 2-ம் நிலை வீராங்கனை ஆன்ஸ் ஜாபியர் (துனிசியா), தரவரிசையில் 88-வது இடம் வகிக்கும் தமரா ஜிடான்செக்கை (சுலோவேனியா) சந்தித்தார். இதில் ஜாபியர் 7-6 (10-8), 4-6, 6-1 என்ற செட் கணக்கில் வெற்றி பெற்றார்.

ஒலிம்பிக் சாம்பியன் சுவிட்சர்லாந்தின் பெலின்டா பென்சிச் 6-1, 6-2 என்ற நேர் செட்டில் விக்டோரியா தோமோவா (பல்கேரியா) வென்றார்.

இதேபோல் எஸ்தோனியாவைச் சேர்ந்த கோன்டாவெய்ட்டும் அடுத்த சுற்றுக்கு முன்னேறினார்.

மழையால் நேற்று நிறைய ஆட்டங்கள் பாதியில் நிறுத்தப்பட்டன.

மெல்போர்ன்:

நடப்பு ஆண்டின் முதல் கிராண்ட்ஸ்லாம் போட்டியான 111-வது ஆஸ்திரேலிய ஓபன் டென்னிஸ் தொடர் மெல்போர்னில் நடைபெற்று வருகிறது.

இதில் ஆண்கள் ஒற்றையர் பிரிவில் செர்பியாவின் நோவக் ஜோகோவிச், ஸ்பெயினின் கார்பெலசுடன் மோதினார். இதில் ஜோகோவிச் 6-3, 6-4, 6-0 என எளிதில் வென்று இரண்டாவது சுற்றுக்கு முன்னேறினார்.

இதேபோல், இங்கிலாந்தின் முன்னணி டென்னிஸ் வீரரான ஆண்டி முர்ரே, இத்தாலி வீரர் மேட்டியோ பெரெட்னியுடன் மோதினார்.

பரபரப்பாக நடைபெற்ற இந்தப் போட்டியில் சிறப்பாக விளையாடிய ஆண்டி முர்ரே 6-3, 6-3, 4-6, 6-7 , 7-6 என்ற செட் கணக்கில் வெற்றி பெற்று அடுத்த சுற்றுக்கு முன்னேறினார்.

மெல்போர்ன்:

கிராண்ட்ஸ்லாம் என்ற உயரிய அந்தஸ்து பெற்ற ஆஸ்திரேலிய ஓபன் டென்னிஸ் போட்டி மெல்போர்னில் தொடங்கியது. இதில் பெண்கள் ஒற்றையர் பிரிவில் முதல் சுற்று ஆட்டங்கள் நடந்தன.

நம்பர் ஒன் வீராங்கனையான போலந்தின் இகா ஸ்வியாடெக் 6-4, 7-5 என்ற நேர் செட்டில் ஜெர்மனியின் ஜூலே நீமியரை தோற்கடித்து 2-வது சுற்றை எட்டினார். ஸ்வியாடெக் அடுத்து கொலம்பியாவின் கமிலா ஒசோரியோவை சந்திக்கிறார்.

3-ம் நிலை வீராங்கனை அமெரிக்காவின் ஜெசிகா பெகுலா 6-0, 6-1 என்ற நேர் செட்டில் ஜாக்குலின் கிறிஸ்டியனை(ருமேனியா) விரட்டியடித்தார்.

முன்னாள் சாம்பியன்கள் பெலாரசின் விக்டோரியா அஸரென்கா, அமெரிக்காவின் சோபியா கெனின் இடையிலான ஆட்டத்தில் அஸரென்கா 6-4, 7-6 (7-3) என்ற செட் கணக்கில் வெற்றி பெற்று முதல் தடையை கடந்தார்.

மரியா சக்காரி (கிரீஸ்), கோகோ காப், மேடிசன் கீஸ், டேனியலி காலின்ஸ் (அமெரிக்கா), பெட்ரா கிவிடோவா (செக்குடியரசு), எம்மா ரடுகானு (இங்கிலாந்து), பியான்கா ஆன்ட்ரீஸ்கு (கனடா), விம்பிள்டன் சாம்பியன் எலினா ரைபகினா (கஜகஸ்தான்), ஆஸ்டாபென்கோ (லாத்வியா) ஆகியோரும் தங்களது ஆட்டங்களில் வெற்றி கண்டனர்.

மெல்போர்ன்:

கிராண்ட்ஸ்லாம் என்ற உயரிய அந்தஸ்து பெற்ற ஆஸ்திரேலிய ஓபன் டென்னிஸ் போட்டி மெல்போர்னில் நடைபெற்று வருகிறது.

ஒற்றையர் பிரிவில் முதல் சுற்று ஆட்டங்கள் நடந்தன. ஆண்கள் பிரிவில் முன்னாள் 'நம்பர் ஒன்' வீரர் டேனில் மெத்வதேவ் (ரஷியா) தன்னை எதிர்த்த மார்கோஸ் கிரோனை (அமெரிக்கா) 6-0, 6-1, 6-2 என்ற நேர் செட்டில் பந்தாடினார்.

4-ம் நிலை வீரர் சிட்சிபாஸ் (கிரீஸ்) 6-3, 6-4, 7-6 (8-6) என்ற செட் கணக்கில் குவான்டின் ஹேஸ்சை (பிரான்ஸ்) வெளியேறினார்.

ஹர்காக்ஸ் (போலந்து), ஷபோவலோவ், அலியாசிம் (கனடா), ஜேனிக் சினெர் (இத்தாலி), பிரான்சிஸ் டியாபோ (அமெரிக்கா), கேமரூன் நோரி (இங்கிலாந்து) ஆகியோரும் முதல் சுற்றில் வெற்றி பெற்றனர்.

முன்னாள் ஆஸ்திரேலிய ஓபன் சாம்பியனான வாவ்ரிங்கா (சுவிட்சர்லாந்து) 7-6 (7-3), 3-6, 6-1, 6-7 (2-7), 4-6 என்ற செட் கணக்கில் அலெக்ஸ் மோல்கனிடம் (சுலோவேனியா) போராடி வீழ்ந்தார்.

ஆஸ்திரேலிய நட்சத்திர வீரர் நிக் கிரியாஸ் கால் முட்டி காயம் காரணமாக கடைசி நேரத்தில் போட்டியில் இருந்து விலகியது உள்ளூர் ரசிகர்களை ஏமாற்றத்திற்கு ஆளாக்கியது.

மெல்போர்ன்:

ஒவ்வொரு ஆண்டும் ஆஸ்திரேலிய ஓபன், பிரெஞ்சு ஓபன், விம்பிள்டன் மற்றும் அமெரிக்க ஓபன் ஆகிய 4 கிராண்ட் சிலாம் டென்னிஸ் போட்டிகள் நடைபெறும்.

இந்த ஆண்டின் முதல் கிராண்ட் சிலாம் போட்டியான ஆஸ்திரேலிய ஓபன் டென்னிஸ் போட்டி மெல்போர்ன் நகரில் நாளை மறுநாள் (16-ந் தேதி) தொடங்குகிறது. 29-ந் தேதி வரை இந்தப்போட்டி நடக்கிறது.

ஸ்பெயினை சேர்ந்த ரபெல் நடாலும், செர்பியா நாட்டை சேர்ந்த ஜோகோ விச்சும் கிராண்ட் சிலாம் போட்டியில் ஆதிக்கம் செலுத்தி வருகிறார்கள்.

கடந்த ஆண்டு அமெரிக்க ஓபன், பிரெஞ்சு ஓபன் பட்டத்தை நடாலும், விம்பிள்டனை ஜோகோவிச்சும் கைப்பற்றி இருந்தனர். இருவரும் 43 கிராண்ட் சிலாம் பட்டங்களை வென்று உள்ளனர். நடால் 22 கிராண்ட் சிலாமுடன் (ஆஸ்திரேலிய ஓபன் 2, பிரெஞ்சு ஓபன் 14, விம்பிள்டன் 2, அமெரிக்க ஓபன் 4) முதல் இடத்திலும், ஜோகோவிச் 21 கிராண்ட் சிலாமுடன் (ஆஸ்திரேலிய ஓபன் 9, பிரெஞ்சு ஓபன் 2, விம்பிள்டன் 7, அமெரிக்க ஓபன் 3) 2-வது இடத்திலும் உள்ளனர்.

ஓய்வு பெற்ற ரோஜர் பெடரர் 20 கிராண்ட் சிலாமுடன் 3-வது இடத்தில் உள்ளார்.

ஆஸ்திரேலிய ஓபன் பட்டத்தை வெல்ல ரபெல் நடால், ஜோகோவிச் இடையே கடும் போட்டி நிலவும். இந்த போட்டியின் முதல்நிலை வீரராக நடால் உள்ளார். ஜோகோவிச் 4-வது வரிசையில் இருக்கிறார்.

கேஸ்பர் ரூட் (நார்வே), சிட்சிபாஸ் (கிரீஸ்), ரூப் லெவ் (ரஷியா), பெலிக்ஸ் (கனடா), மெட்வதேவ் (ரஷியா) உள்ளிட்ட வீரர்கள் அவர்களுக்கு கடும் சவாலாக இருப்பார்கள்.

பெண்கள் பிரிவில் கடந்த முறை ஆஸ்லே பார்டி சாம்பியன் பட்டம் பெற்றார். போலாந்தை சேர்ந்த இகா சுவிடெக் இந்தப் போட்டியின் முதல் நிலை வீராங்கனையாக உள்ளார்.

ஜெசிகா பெகுலா (அமெரிக்கா), ஷபலென்கா (பெலாரஸ்), கரோலின் கார்சியா (பிரான்ஸ்), மரியா ஷகாலி (கிரீஸ்) சோகோ கபூர் (அமெரிக்கா) உள்ளிட்ட வீராங்கனைகளும் சாம்பியன் பட்டத்தை பெறுவதற்கான போட்டியில் உள்ளனர்.